Zachadnu njeźelu su w Dešnje wótwórili wustajeńcu „Serbske seśelnice a źiśarki w Barlinju“. Wustajeńcu z teju tematiku su w Chóśebuskem Serbskem muzeju juž pokazali w lěśe 2008 a ju pótom 2011 teke južo raz w Dešnje pśed-stajili. Tam jo se wukopało, až jo za casowych znankow juž skóro pśepózdźe, až dajo jano hyšći mało materiala we familijach.
Něnto su tu wustajeńcu aktualizěrowali: wóna jo zgromadny projekt ze Serbskim muzejom w Chóśebuzu a z priwatnym zběrarjom Mětom Nowakom z Pódstupima. Z jogo zběrki su k wiźenju mjazy drugim stare póglědnice a wucerby (hier: Stiche) a wurězki ze starych casnikow.