Z Chóśebuza/Cottbus. To jo južo tśeśa taka zběrka historiskich zukowych dokumentow w serbskej rěcy, kótaraž jo nastała ako projekt Šule za dolnoserbsku rěc a kulturu: dwójna CDeja, tenraz z titelom Spiwy, štucki, kjarliže – muzikaliske dokumenty ze Serbskego kulturnego archiwa. Koncepciju za nju jo sebje wumyslił dr. Fabian Kaulfürst ze Serbskiego instituta. Wón jo te spiwanja zwuběrał, jich teksty zwótpisował a slědkoju teke to pśedsłowo napisał. K dopomnjeśu: tej dwě prědnej zběrce historiskich dokumentow z łońskego lěta matej titel Schlagwort: Wendisch z nejstaršymi zukowymi dokumentami dolnoserbskeje rěcy, ako eksistěruju, a Slěźenje na jsach, źož jo mjazy drugim słyšaś głos Miny Witkojc a Bogumiła Šwjele.