Z Bórkow/Burg. Dnja 28. maja pśed 125 lětami jo Witcyc Marjana swóju źowku Minku póroźiła. Toś su w bórkojskej šuli cesćili tu redaktorku a basnikarku a pšosyli na swěźeń, šula ga ma to mě „Mina Witkojc“. Witaj-wukniki, serbšćinarje a rědowniske powědarje byli kaž tež ceptarje a na 20 gósći su pódla byli.

Pśez program stej wjadłej ceptaŕ Uwe Gutšmit a wuknica Ninu Reicheltojc. „Naša Mina by źinsa 125. burstak swěśiła!“, jo Gutšmit gronił a se pšašał, kake to žywjenje jo było pśed 125 lětami. Tencas jo se kněžył tud kejžoŕ, a bencin za to jadnučke awto su musali kupowaś w aptejce.

Wjele źiśi jo měło swój wustup ze štuckami