Cesćone lazowarki a lazowarje,

170. narodny źeń Casnika njejo jano góźba, aby glědali do historije a gjarde byli na dłujku a cesnu tradiciju. Z njeju se raźi pyšnimy a woplěwamy ju z našym źěłom dalej. Tu gjardosć a historisku wědobnosć sćo zawěsće wuznali z rědu artikelow, ako we slědnych mjasecach a tyźenjach smy wótśišćali a wochylu hyšći buźomy.

Ně, spominajucy na naš jubilej comy tejerownosći póglědaś na něntejšny cas a do pśichoda a wugroniś, źo stojmy źinsa a co póžedamy, aby Casnik swóju misiju wugbał. Aby Casnik serbski wóstał, jo trjeba nejpjerwjej, až serbski lud serbski wóstanjo. A až luźe nadalej serbsku rěc we cesći maju, ju lubuju a nałožuju a se serbske cuju. To sebje a našym pśijaśelam žycymy wót wutšoby.