Pśeměnjenje góspodarskich strukturow jo teke za serbski lud šansa – my dejmy něnto wizije pśichoda wuźěłaś a se do diskusije aktiwnje měšaś. Kreatiwne ideje su trjebne – to jo snaź ten głowny signal, ako jo wujšeł z góspodarskeje konference, ak jo organizěrowała Domowina gromaźe ze źěłarnju Zunkunfts werkstatt Lausitz w Złem Komorowje. Na fotografiji: Daniel Häfner, docent na BTU (fakulta za socialnowědomnostne aspekty wobswěta) źaržy referat Transformacija Łužyce a Serby.
Foto: Jurij Helgest
Ze Złego Komorowa/Senftenberg. Co póžedaju sebje Serby za pśichod, glědajucy na pśeměnjenje góspodarstwa we pśiducych lětźasetkach? Fachniki su na konferency Quo vadis, Łužyca? wobswětlili tu tematiku we referatach a su pokazali na potenciale. Gósći – za powěsću Domowiny kuždy źeń jadnab 140 luźi – su we workshopach dalej wó tom diskutěrowali.
 |
|
 |
|
