Z Chóśebuza/Cottbus. Šramojc sotše Ronja (19) a Maja (17) z Gołbina stej byłej wósebnej gósća Serbskego blida w Měsćańskem muzeju srjodu tyźeń. Wónej stej wulicowałej wót wótžywjenja serbskich tradicijow we swójej jsy, na kótaremž Šramojc familija ma wjeliku źělbu. Wónej wobej stej chójźiłej do žylojskeje Witaj-źiśownje Mato Rizo, pótom do žylojskeje šule, a naslědku, wót pětego lětnika, stej wuknułej na Dolnoserbskem gymnaziumje. Ronja jo pśed dwěma lětoma abituru wótpołožyła a wuknjo něnto na gólnikarku. Maja jo we dwanastej klasy, rada spiwa we šulskem chorje, a znowa buźo abituru wótpołožyś. A wóna ma wótmyslenje, pózdźej sorabistiku studěrowaś.