Drugi raz we tom lěśe pórucyjo se program z twórbami Mata Kosyka pśi góźbje wujźenja źewjetogo a slědnego zwězka Cełkownego wudawka Kosykowych Spisow (SMK 9), togo historisko-kritiskego wudawka dolnoserbskego klasikarja. Běšo-li prědny program wugótowany wót awtorowu Spisow Mata Kosyka a Ludowego nakładnistwa Domowina, buźo literarno-muzikaliske wótpołdnjo 16. nowembera zarědowany wót Spěchowańskego towaristwa za Serbski muzej.