Z Barlinja/Berlin. Ze swěźeńskim aktom su 7. nowembra zgromadnje swěśili zwězkowe a krajne politikarje a zastupniki narodnych mjeńšynow a wusedlarjow w Nimskej. Góźba za ten swěźeń jo była, až mamy w Nimskej něnto 30 lět dłujko amt zagronitego za nadawki narodnych mjeńšynow a wusedlarjow.

Glědajucy na lěto 1988 jo to była ta pśiběrajuca licba wusedlarjow ze statow pódzajtšnego bloka, za kótarychž su instalěrowali toś ten amt.

Aktualny nadawk mějucy prof. dr. Bernd Fabritius jo na swěźeńskem aktśe był zgromadnje ze pśisamem wšyknymi jogo pśedchadnikami we toś tom amśe. Se wě, až su tam byli teke zastupniki narodnych mjeńšynow: Frizow, Danow, Serbow, kaž teke luda Sinti a Roma w Nimskej.