Jano małko luźi znajo wjele serbskich spiwanjow derje z głowy. To se wuznajo z togo, až pśi kuždej takej góźbje, źož se gromaźe spiwa, wuźěluju se luźam łopjenka. Což młodu a srědnu generaciju nastupa, njebuźo to nejskerjej wěcej trjeba – kuždy móžo swóje spiwaŕske kniglicki wótněnta měś we digitalnej formje pśipódla. Rozmjej: Ludowe nakładnistwo Domowina jo wuźěłało app za smartphony a tablety „Dolna Łužyca spiwa“. Wóna płaśi 2,99 €.