Z Pódstupima/Potsdam. Rada za nastupnosći Serbow (Serbska rada) jo měła w swójom pósejźenju 27. nowembra na pódstupimskem krajnem sejmje wjele zajmowanych gósćow. Jo ga pśipódla był ceły wugbaśowy kurs tamnego Helmholtz-gymnaziuma. Te 15 wukniki su kśěli zgromadnje ze swójeju ceptarku wšake zgóniś: Co su te nejwažnjejše znamjenja serbskeje kultury, lěc dajo serbsku abituru, kaki status ma serbska rěc w šuli a dalšne. Helmholtz-gymnazium jo dwójorěcnje engelsko-nimski a wukniki su pśišli w ramiku tutoriuma za politiske kubłanje. Jich ceptarka Christiane Wienert jo wšakim Serbam južo znata. Wěcej razow jo była w lěśojskem kursu serbskeje rěcy w Chóśebuzu.

Su namakali dobry kompromis za NSG?