Diese Seite drucken
KOPARJE ZWUCUJU SERBSKE REJE. Wó serbskich balokoparjach w Dolnej Łužycy jo se w slědnem casu wjele pisało a powědało. Wóni ga kśě raźi jěš w juniju 2020 na EUROPEADU w Korutańskej/Kärnten. Južo něnt se na to pilnje pśigótuju. A to nic jano z treningom, ale teke na drugi part. Njekśě ga tam jano balo kopaś a balo do wrotow stśělaś, ale teke serbsku kulturu pokazaś. Mjazy drugim znatu serbsku „šejcowu“ reju. Na sportnišću w Dešnje su to južo zwucowali, jano te źowća k tomu su felowali! Ale jano muske – to ga teke źo.
WJELIKI NAWAL PŚI CHÓŚEBUSKEM JAZORJE.
Von Horst Adam Mittwoch, 26. Dezember 2018KOPARJE ZWUCUJU SERBSKE REJE. Wó serbskich balokoparjach w Dolnej Łužycy jo se w slědnem casu wjele pisało a powědało. Wóni ga kśě raźi jěš w juniju 2020 na EUROPEADU w Korutańskej/Kärnten. Južo něnt se na to pilnje pśigótuju. A to nic jano z treningom, ale teke na drugi part. Njekśě ga tam jano balo kopaś a balo do wrotow stśělaś, ale teke serbsku kulturu pokazaś. Mjazy drugim znatu serbsku „šejcowu“ reju. Na sportnišću w Dešnje su to južo zwucowali, jano te źowća k tomu su felowali! Ale jano muske – to ga teke źo.
WJELIKI NAWAL PŚI CHÓŚEBUSKEM JAZORJE. Lěcrownož do pjerwjejšneje wugloweje jamy hyšći wóda njeběžy, něnto južo młoge wó tom cowaju, až buźo se how wjele, wjele towzynt luźi zmakaś za wódychanje, kupanje, plěwanje a wšaki sport. Nejskerjej buźo pón tam blisko Žylowka, Šlichowa, Rogozna, Łakomeje a Noweje Jsy tak wuglědaś ako pla wjelikego mórja w Pólskej. Mój bog, juž źinsa te gronje, ako tam bydle. A druge južo lice, wjele pjenjez mógu z tym zasłužyś.NĚNT NAGE WE BŁOTACH? Teke lětosa jo se w Błotach zasej mjerwiło z gósćimi a turistami z cełego swěta. Zagronite za turizm, cołnarje a gósćeńce se weto swóju głowu „łamju“, aby bywało jich hyšći wěcej. Tak kśě (a to wósebnje za žeńske) pśi cołnowanju pśez Wusoki lěs gósći z tym pśechwataś, až tam nage muske do wódy skokaju. A to se wě, až muse to pón ekstra zapłaśiś.WŠUŹI DIGITALIZACIJA – TEKE K DOBREMU ROSTLINOW. Gaž něnto jo to słowo „digitalizacija“ wšuźi to druge słowo (teke pla kanclarki), pón co jaden luź z města južo pokazaś, kak wón to rozmějo. Pśed jogo domom ga rostu rědne a rědke struski, a te co woplěwaś pśed někakimi złymi rubjažnikami.