Rěcny rum jo stabilny, ale mały

Von Werner Měškank Donnerstag, 24. Januar 2019

Nanejmjenjej raz w mjasecu dejała byś něźi namša w dolnoserbskej rěcy. Łoni a tež južo w jubilejnem lěśe cerkwineje reformacije jo se to tak raźiło. Taki jo był zaměr procowanjow južo pśez wjele lět. Za to źěłatej cerkwina źěłowa kupka Serbska namša (KSN) z něźi dwanastkom aktiwnych a njewótwisne Spěchowańske towaristwo za serbsku rěc w cerkwi z. t. (STSRC) z pśisamem 40 cłonkami.

Prjatkujo se kóńc tyźenja a na swětych dnjach w serbskem radiju a kuždy mjasec ma Nowy Casnik swój wósebny bok „Pomogaj Bog“. Pšawidłownje zmakaju se cłonki KSN, a tež pśedsedarstwo STSRC abo casy projektowe kupki se wěcej razow wob lěto zejdu.

Łońske lěto jo było dotychměst nejlěpše a nejhuspěšnjejše: Dolnoserbska biblija jo hujšła w digitalnej wersiji. 250. namša nowšego casa jo se swětocnje wóswěśiła. Ochranojske gronka, kótarež huchadaju wót lěta 1731, mamy wót lětosa prědny raz tež w dolnoserbskej rěcy pód titlom „Bóže słowo na kuždy źeń 2019“. Na manuskripśe za lěto 2020 se južo pilnje źěła.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen