Strobic/Ströbitz

Sobotu, 26. januara, wót zeger 13:00 budu tudy zapustowaś pśi gósćeńcu „Auf Wacker“ a na Nevoigtowem naměsće.

Pśiłuk/Preilack

Pśeśěg buźo njeźelu, 27. januara. Zeger 13:00 budu wumaršěrowaś wót swěźeńskego stana pśi sportnišću. Wjacor budu reje, a teke wjacor do togo, a to we swěźeńskem stanje.

Prjawoz/Fehrow

Njeźelu, 27. januara, zeger 12:30 budu póry se zmakaś a zeger 13:30 wumaršěrowaś wót Lukasojc gósćeńca.

Wilmersdorf/Rogozno

Njeźelu, 27. januara, wót zeger 13:00 budu se póry zmakaś w zalu hotela „Willmerdorfer Hof“. Wumaršěrowaś budu zeger 13:30. Wjacor budu tam reje wót zeger 19:30.

Chóśebuz/Cottbus

Zapustojski pśeśěg Dolnoserbskego gymnaziuma buźo stwórtk, 31. januara.

Wumaršěrowaś budu zeger 12:20 wót gymnaziuma. Jadnotliwe stacije budu „Fahrrad Schenker“ na Beuchowej droze, pótom buźo pśeśěg někak zeger 12:45 pśi Dolnoserbskem internaśe a RCW. Dalej źo frizěroju „Querschnitt“ na Žylojskej droze 5, pó Ebertowej droze na Nowe Wiki, źož budu zeger 14:00 pla wušego šołty Holgera Kelcha.