Zapustojski pśeśěg Dolnoserbskego gymnaziuma buźo stwórtk, 31. januara.

Wumaršěrowaś budu zeger 12:20 wót gymnaziuma. Jadnotliwe stacije budu „Fahrrad Schenker“ na Beuchowej droze, pótom buźo pśeśěg někak zeger 12:45 pśi Dolnoserbskem internaśe a RCW. Dalej źo frizěroju „Querschnitt“ na Žylojskej droze 5, pó Ebertowej droze na Nowe Wiki, źož budu zeger 14:00 pla wušego šołty Holgera Kelcha.

Dalej wjeźo ruta pó Starych Wikach, pótom do „Sprjewineje galerije“ (někak zeger 15:30). Zeger 15:45 kśě byś pla Serbskego rozgłosa pśi RBB. Pó Barlińskej droze źo dalej do Serbskego domu, źož budu někak zeger 16:25.

Pótom budu ducy do Blechen Carree (źož su někak zeger 17:00). Sorat Hotel Pśi grodowej cerkwi, pó Žandojskej droze do „Teehaus Oblomow“ (zeger 18:00) na Serbskej droze 2 a pótom slědk do Dolnoserbskego gymnaziuma. Tam budu zasej zeger 18:45.

Sobotu, 2. februara zmakaju se póry za muskecy zapust zeger 14:00 w Stopic kjarcmje. Wumaršěrowaś budu wót tam zeger 15:00. Wjacor budu wót zeger 20:00 reje.