Ze Serbskego domu. Na swójom pósejźenju 15. februra w Budyšynje běšo Zwězkowe pśedsedaŕstwo Domowiny mjazy drugim dwě wěcy wobzamknuło, kótarejž płaśitej wósebnje za Dolnu Łužycu: ga kubłańska klawzura k serbskej wucbje w Dolnej Łužycy a wobźělenje Serbow na EUROPEAŹE 2020, na europskich mejstaŕstwach narodnych mjeńšynow w balokopanju. Co to wšo groni za Domowinsku župu Dolna Łužyca, wó tom jo jeje pśedsedaŕstwo 27. februara wobradowało na swójom pósejźenju w Serbskem domje. K tomu su wuwitali Dawida Statnika, pśedsedarja Domowiny, a z nim wó wšom dis-kutěrowali su.