Tśi gmejny wokrejsa Damna−Błota – Gojacki Jazor (Schwielochsee), Stara Niwa–Wózwjerch (Alt Zauche-Wußwerk) a Markojska Góla (Märkische Heide) – měnje, až nowelěrowana Serbska kazń njepśenjaso se z krajneju wustawu (Landesverfassung) Bramborskeje. To jo jich argumentacija pśi skjarženju pśeśiwo pśipóznaśu ako serbski sedleński rum. Wóni póžedaju wót zastojnikojskego sudnistwa (Verwaltungsgericht) w Chóśebuzu, aby wóno tu proceduru pśipóznaśa wótstarcyło a pśepowdało wustawowemu sudnistwoju (Verfassungsgericht) k pśespytowanju.