Ale do togo muse se hyšći někotare problemy rozwězaś. Slědne licarje wšak njejsu ceptarje daniž źiśownice, pótakem muse se nejpjerwjej źiśownice namakaś, ak su zwólne, how sobu gótowaś. A stare luźe, ak su swóje žywe dny licyli, su ga se dla togo tak cesto wusměšowali, až njejsu wurozměli, cogodla jo jich zamóžnosć naraz tak pšašana. A někotare su cele jadnorje južo byli pśestare a su gronili. Ně wšak, wóstaj no, wy ga tak a tak cele hynac licyśo ako smy my to gewejnt. Tak jo było balden jasne, až muse se źiśownice a ceptarje za matematiku wósebje wukubłaś. Toś staji se wósebna pšosba na ministaŕstwo, a licenje jo měło politisku dimensiju, něco, z cymž nicht njejo licył.