PŠAŠATA RĚPA

Smy dostali list z Raduša

Von Stefanie Krawcojc Donnerstag, 21. März 2019
Tak su se małe camperaki w Wětošowa a Raduša zgromaźili na swójo camprowanje. Foto: Uta Körnerowa

Lube źiśi,

něnto jo śichy cas. Šwigawa (kwiśa srjoda) jo mimo. Pó tradiciji jo stakim kóńc zapustow. Ale hyšći smy dostali k tomu list z Raduša. Tam su źiśi camprowali. Cytaj, cytajtej a cytajśo sami!

„Mě se groni Uta Körnerowa. Ja som Witaj-źiśownica w kita ‚Marjana Domaškojc‘ w Radušu. Źinsa mam krotki tekst za Was. ‚Camperdi – cerperda – ja som luštny camprowaŕ!‘ tak smy we Wusokej (Märkischheide, źěl města Wětošowa) wołali, ako smy tam camprowali. My, to su Witaj-źiśi z kita, z horta šule we Wětošowje, z kita ‚Słynjaško‘ a z horta ‚Rappelkiste‘ a dorosćone wót towaristwa ‚Tyca‘.

To jo něnto juž rědna tradicija, až se kužde lěto zmakamy a wjasele a głosnje camprujomy a pótom teke zgromadnje swěśimy. Dwě góźinje smy spiwali: ‚Daj mě jadno jajko!‘, ‚Camper, camper, camprowaś‘ abo ‚Camper, camper lizka‘ w serbskej rěcy a na nimski ‚Mit klingelingeling‘ a ‚Zamper, zamper, Fritzchen, setzt auf eure Mützchen‘ spiwali. To wjedro jo kšasne było, wobydlarje su wjasołe byli a su nam wjele słodkosćow, jěšnicow a 267 jajow dali.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen