Komentar

Styri raze wólit hyś!

Von CHristiana Piniekowa Donnerstag, 16. Mai 2019

Bramborske luźe mógu lětosa tśi razy wólit hyś, Serby samo styri raze, dokulaž buźo teke (listowe) wuzwólowanje Rady za serbske nastupnosći kraja.

Na wólbnem łopjenje (Wahlschein) komunalnych wólbow jo nanejmjenjej we głowce teke serbske mě města Chóśebuza zapisane, bóžko pak hyšći nic na głosowańskem cedliku (Stimmzettel). A w mójom wólbnem krejzu kandiděruju někotare serbske luźe.

Europske wuzwólowanje jo wó wjele wobšyrnjejše. Głosowański cedlik Bramborskeje jo 94 cm dłujki! 40 partajow z wušej 370 kandidatami a kandidatkami jo nastupiło. Wót nich jo wšak jano mjenjej ako sedmy źěl z pódzajtšnych krajow Nimskeje. Licymy-li Barlin k tomu, pśiźomy na mjenjej ako tśeśinu (ein Drittel). Pla partajow, kenž su w zwězkowem sejmje zastupjone, wuglěda rozdźělenje tak (pó rěźe głosowańskego cedlika nalicone): SPD: 10 kandidatow /1 Barliń, CDU: 5/ 1 Potstupim, 1 Barliń, 1 Königs Wusterhausen, Lěwica: 10/ 3 Barliń, 1 Sakska, 1 Bramborska, AfD: 10/ 1 Sakska, 1 Barliń, Zelene: 9/ 5 Barliń, FDP: 10/ 1 Duringska. To mě pokazujo, až jo politiska a góspódaŕska Europa hyšći ceło pregowana wót pódwjacornonimskich krajow.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 18,00 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 13,20 € jährlich (für Abonnenten der gedruckten Ausgabe nur 7,80 €)

Zugang bestellen