Luba redakcija,

som se wjaselił, až Wy sćo se rozsuźili, teksty Měrćina Nowaka-Njechorńskego z kniglickow: „Pěšy, z cołnom, pó kólasach“ wótśišćaś. Ako jo se pśi napšašowanju cłonkow serbskich towaristwow a zwězkow w lěśe 2018 pokazało, ma 41% tych 1.160 wótegranjajajucych wšyknych generacijow serbsku literaturu za wažny słup za wobchowanje serbojstwa. Weto wěmy, až Serbska biblioteka w Serbskem domje jo mało wužywana, dokulaž wjeliki źěl luźi pśiźo akle wjacor wót źěła domoj, gaž jo biblioteka južo zacynjona. Za takich Serbow jo tradicionelne pórucenje literatury ako tekst w pókšacowanjach dobra wudroga.