Diese Seite drucken

PŠAŠATA RĚPA

Jo tšachota wognja! Na co deje źiśi glědaś?

Von Stefanie Krawcojc Donnerstag, 13. Juni 2019
Wognjowa wobora gasy wogeń. To jo młoźińska wognjowa wobora. Take něco dajo teke wu nas. Foto: Wikimedia commons / Saperaud

Lube źiśi,

jo wjelgin śopło było. W gólach jo se paliło. Wogeń w gólach a doma ma wšake pśicyny. Cesto maju luźe winu. Cogodla? Nicht ga njoco, aby se něźi paliło! Problem jo, až luźe cesto njepśemysliju. Wóni chyśe cigarety z awta, ako hyšći se žagle a pale. Z takeje cigarety móžo w góli nastaś wogeń. Rozmjej: Gaž wšykno jo wjelgin suche, jo teke ta slědna škricka w cigareśe tšachota. To ga buźo prědna škricka wognja w góli! Gaž góla jo pótom sucha a wětšyk dujo, ga jo wšykno pśigótowane za wognjecego plona (nimski: roter Hahn). Druga tšachota su głažkowe škórpiny. Gaž pšugi słyńca trjefiju na škorpinu, ga zběra (bündelt) linsa swětło słyńca gromadu. Pśez to koncentrěrujo se móc słyńca na jaden dypk. We suchej góli buźo se malsnje paliś! Togodla Was pšosym: Njechyśćo škórpiny abo tšachotne wěcy do góle!

Jo něnto tšachota za kuždego w góli? Njamógu ja se wěcej rozchójźowaś w góli? Njedejm wěcej w góli graś?

(0 )
Bitte anmelden, um einen Kommentar zu posten