Z Chóśebuza/Cottbus. Starjejše, kótarychž źiśi wótrostu ze serbskeju rěcu, su njespokojne z móžnosćami serbskeje wucby w našych šulach. Kuždy ga njama Witaj-šulu blisko swójogo doma. W drugich šulach młogi raz zewšym njewuce serbšćinu. Togodla wóni se žyce serbsku wucbu zwenka šule. Wóna wucba dejała pó jich zdaśim byś raz wob tyźeń. Ceptaŕka dej jim wucyś gramatiku a słowoskład na wšakich pólach. Dalej deje tam woplěwaś wšedne powědanje a spěchowaś pisanje tekstow. Wóna wucba buźo za wšym zdaśim lětniki pśesegajuca (jahrgangsübergreifend). Aby to ceło praktiski zwónoźeli, su w rozgronach z institucijami. Pó wucbje dej byś góźba, zgromadnje graś a se spóznawaś. Kak dokradnje to buźo se cyniś, rozsuźiju starjejše w běgu casa zgromadnje.