Měnjenja, grona wó Serbach w Błotach segaju wót „... da wird etwas aus der Truhe geholt, künstlich am Leben erhalten“ až do twarźenja: „Sorben, Wenden, die gibt´s ja gar nicht, ist eine Erfindung!“ Dajo pak teke luźi, kenž wěcej wó Serbach wěźeś kśě a nas Serbow ako něco wósebnego wiźe, něco njenimskego srjejź Nimskeje. Te kśě tek wěźeś, co Błośanarje měnje, gaž źo wó narodnu pśisłušnosć a wó serbski sedleński rum. Co śi na pśikład wótegronijo lubinska cołnaŕka w błośańskej drastwje, gaž ju strowiš ze serbskim „Dobry źeń, Pomgaj Bog!“?