Akle něnt smy zgónili, až jo wót 30. maja do 2. junija było nejžwětše zarědowanje wognjowych woborow 2019 w Europje. To jo było 23. mjazynarodny gwězdowy zjězd woborow. Zmakali su se w awstriskej jsy Dorfgastein. To zmakanje jo kužde druge lěto. Towzynty gósći z 15 narodow a wěcej ako 300 jězdźidłow wognjowych woborow jo dojěło.
Wokrejsna wobora Sprjewja-Nysa organizěrujo wót lěta 1995, až zajmowane towariše swójeje wognjoweje wobory mógu se tam wobźěliś. Kuždy raz jo mjazy 30 a 50 wobornikow pódla. Na zmakanjach mógu se mjazy sobu rozgranjaś a se póznawaś, w towarišnej atmosferje. Pódla jědrowych temow wognjowych woborow su jěli z oldtimerami, su měli sportowe wuběźowanja, muzikaliske póbitowanja, wustajeńce k fachowym temam, su se woglědali techniski rěd a su dožywili pór rědnych dnjow.