Z Budyšyna/Bautzen. W budyšyńskem Serbskem muzeju wótwóriju njeźelu, 22. septembra, wustajeńcu z modelami modernych drastwow ze serbskim akcentom pód titelom „Sorbian street style“ (lej terminy na 7. boce togo wudaśa).

Zakład za wustajeńcu su wuslědki wuběźowanja „Sorbian street style“. Kreacije wuspěšnych designerkow a designerow, dobyśarje wuběźowanja SORBIAN STREET STYLE, serbskich gymnaziastow z Górneje a Dolneje Łužyce a młoga ideja k temje mody prezentěruju se we tej wustajeńcy.

Na zakłaźe elementow serbskeje drastwy a łužyskego ludowego wuměłstwa su modiske outfity a kolekcije nastali. To wuběźowanje jo było zgromadny projekt Ludoweje banki Drježdźany-Budyšyn z.d., Sakskego centruma za kulturne a kreatiwne góspodaŕstwo KREATIWNA SAKSKA a Serbskego muzeja.