Z Města/Cottbus. Serbski muzej se wjelgin wjaseli, až ma wót junija objekt wěcej we swójej wuměłstwowej zběrce. „Jo ga prědnotny a głowny nadawk jadnogo muzeja, až wón zběra, až wón swóju zběrku wobźěłujo a objekty ze zběrki teke zjawnosći pśistupne cyni. Za kwalitu muzeja jo gódnota zběrki nejwažnjejšy kriterium. A my se wjaselimy, až pśez ten nowy wobraz smy stakim mógali gódnotu našeje zběrki pówušyś“, rozkładujo kuratorka muzeja Christina Kliemowa. A wó kaki nowy wobraz, wó kakeg wuměłca se jadna? Kak jo wobraz swóju drogu do muzeja namakał?