Dypkownje k zachopjeńkoju semestera pśedlažy nowy programowy zešywk Šule za dolnoserbsku rěc a kulturu. W njom se wěcej ako 50 rěcnych kursow za serbšćinu a pólšćinu póbitujo.

Někotare terminy su nachwatańske kurse z nalěta, druge kurse su ceło nowe ako na pśikład pó dłujkem casu zas prědny raz se wótmějo kurs na kóńcu tyźenja za serbšćinu w Pšynem wót 16. do 18. oktobera. Za wuknjenje serbšćiny su naraźenja a pórucenja za kužde starstwo integrěrowane, wót źiśownje až do wusokego starstwa maminorěcnych na jsach. Teke za nowackow póbitujomy na dnju europskich rěcow wopóznawańske góźiny we wobyma słowjańskima rěcoma.