W lěśe 2019 jo serbske wědomnostne towaristwo Maćica Serbska wóspjet wupisało Maćizne myto, Myto Arnošta Muki, Myto Michała Hornika a Myto Bogumiła Šwjele. Slědne wót nich jo za wuknice a wukniki dolnołužyskich gymnaziumow. Prědny raz su se kandidatki a kandidaty we wšych tśich kategorijach pśizjawili. Mimo głownych mytow se pósćiju teke lětosa spěchowańske myta.

Myto Bogumiła Šwjele jo dostała Isabelle Grätzojc za źěło „Młoda/y a serbski byś? – Źo to?“ Wót njeje a jeje źěła źinsa pišomy. Stefanie Krawcojc jo se jeje napšašowała.

Isabelle, gratulěrujom Mytoju Bogumiła Šwjele! Wulicuj, ceja sy?

Isabell Grätzojc: Som roźona w lěśe 2003 a bydlim w Chóśebuzu. Som wuknica Dolnoserbskego gymnaziuma, chójźim do 12. rědownje. Do togo som była wuknica w Zakładnej šuli „Astrid Lindgren“.

Sy dostała myto Bogumiła Šwjele za swójo źěło. Co jo był titel?