Z Noweje Jsy/Neuendorf. Gaž se něźi pišo abo powěda wó Pódzajtšnem jazorje (Ostsee), pón jo to grono za wětšy źěl jano wó tom, což se tšoj na chóśebuskem – to groni na šlichojskem a žylowkojskem boce – a co jo tam dalej pśedwiźone. Ale to pśiduce jazoro, ako dej raz byś z 1.900 hektarami nejwětše jazoro w cełej Bramborskej, jo wó wjele wětše. Dogromady ga deje byś brjogi wokoło 26 kilomejtari dłujke. A wěsće jo toś teke pśi drugich kšomach jazora, ako dej byś wokoło lětowu 2023/24 napołnjone z wódu a pón w lěśe 2030 docełego dogótowane, to a druge planowane. Na pśikład za ten pódpołnocny źěl, ceło blisko wót Noweje Jsy a gmejny Gatojce.