Njewěmy tak pšawje, co tuchylu w głowach tych něźi 150 wobydlari na Lědach štycy. Su wóni spokojom abo samo glucne, až jo tam južo dlejšy cas wšykno wjelgin śicho a prozne? Abo, až jim felujo ten wjeliki ruš a nawal tych towzyntych turistow a gósći? Nejskerjej woboje. Chtož co se pak ako „cuzy“ na Lědach rozglědowaś, za togo se góźi něntejšny nalětny abo hyšći pitśku zymski cas wjelgin derje. Sy tam pśisamem sam a nichten śi njemóli, gaž coš wósebnosći a rědnosći wó měrje zapópadnuś.