Źožkuli sy w krajinje ducy - lěc zawinjoš nalěwo abo poglědnjoš napšawo – wšuźi laže pódrězane chójce, škrjoki, brjaze, zeschnute drjewo, wótergi njeprofesionelnje zeštaplowane, což na to pokazujo, až gólne źěłaśerje njejsu dosć casa měli, z tym pśirodnym materialom słušnje dosć wobchadaś. Naša góla – a bramborska w prědnem rěźe – śerpi pód suchosću. Škódniki, wósebnje škórniki, su se zasedlili. Gólniki su měnjece, až to jo koniferowa pandemija, z kótarejež njebuźo lažko se wulichowaś. Wacka škórnik ako wirus. Nejskerjej buźo notne, jeglinowy charakter krajiny z listowymi bomami wuměniś. Ten proces móžoš pśirownaś ze stadłowym šćěpjenim luźi na cełem swěśe.