Z Gołynka/Gallinchen. Chtož Gołynk jan asociěrujo z bydleńskim a źěłaŕstwowym wobceŕkom a wšakimi twaŕskimi markami, ten pśewiźijo te wósebne drogostki, kenž ten źěl Chóśebuza ma zboka měsćańskego ruša bitowaś. Tam ga se namakajo sprjewina strona na pódpołdnjowem boce Města, rědna wokolina za špacěr a kólasowanje. Lěs, łuki a pastwy se wótměnjaju. Na pastwach móžoš wobglědaś kónje, wósoły a wójce, ak słušaju k rejtaŕni „Radlikojski młyn“ (Kutzeburger Müh-le). Gaž maš gluku, wuglědajoš tam tek bóśona mjazy tymi zwěrjetami, pytajucego za carobu. Bóśonowe gnězdo w Gołynku, pśi źiśowni „Am Storchennest“, ga jo teke lětosa wobsajźone. Tak to juž derje pasujo, až wopon Gołynka pokazujo bóśona.