Z Prožyma/Proschim. Wejsanarje a Zelena liga su gano kritizěrowali te zarownowańske pjenjeze za firmu LEAG. We swójom stojnišću na EU-komisiju su reagěrowali na to, až firma dostanjo za wótstupjenje wót wužywanja brunice miliardy. Za zdaśim Prožymarjow njamóžo LEAG za to pjenjeze dostaś, až pśelutujo cuze dobytki. EU-komisija jo chylu pśed tym wugroniła swójo cwiblowanje, až nimska kazń wó wótstupjenju z wudobywanja brunice (Koh-leausstiegsgesetz) pśedwiźi to wupłaśenje wót 1,75 miliardow euro na LEAG ako wurownanje. Nježlic až rozsuźenje wó to buźo dnja 7. junija, mógu wše wobźělone se pozicioněrowaś we tej nastupnosći.