Manja Schulzowa pokažo kulkowe widły, ak jo dała za wustajeńcu w brožni. Starki Max Laduš jo sobu załožył Domowinu jsy.

Z Wochoz/Nochten. Gdyž „Wochozy“ stoj w Casniku, zwětšego pišomy wót Wochozańskeje jamy, kótaraž lažy pśed wrotami Slěpjańskeje wósady. Wochozy su pak teke rědna serbska wjaska w Mužakojskej góli. How jo faraŕ Bogumił Šwjela statkował wót lěta 1908 do 1913, nježlic až jo 1913 wórdował faraŕ w Dešnje. We Wochozańskej cerkwi jo wón prjatkował a na tej farje žywy był. Ku farje jo słušała brožnja z lěta 1816, wšak su fararje pjerwjej měli „wyrtšaftu“. Ta cerkwja jo nadalej Bóžy dom, ta brožnja pak njejo wěcej městno za seno, słomu a kokošy. Južo 1924 su byli pśemyslenja, až mógu brožnju pśetwariś ako bydlenje. W běgu casa tam su pśecej něco do rěcha spórali. Prědny raz jo w lěśe 2012 było to grono wót saněrowanja wjažki, a w decemberje 2014 jo se załožyło towaristwo „Šwjelic brožnja“.