Z Města/Cottbus. „Unser Land“ – to jo titel nimsko-serbskego źiwadłowego projekta, kótaryž jo se južo něźi dwě lěśe pśed gatnjejšeju prezentaciju pśigótował. Kóńc slědnego lěta jo casting se wótměł. Wjednik festiwala „Kommen Gehen“ Hans Narva a režiserka Juliane Meckertowa stej se rozestajałej gromaźe z gósćimi zachadnego wudaśa togo górnołužyskego festiwala z nimsko-serbskim póměrom. Pśi tom jo se nakopickowało wjele głosow a pozicijow we wósobinskich interviewach kaž teke we anonymnych napšašowanjach, a z togo materiala stej Hans Narva a Juliane Meckertowa wuwiłej źiwadłowy kus. Ten jo se pokazał zachopjeńk nowembra w cerkwi Swěteje tšojosći w Ketlicach (Kittlitz), slědnu sobotu teke w Zinzendorfskej cerkwi w Chóśebuzu.