Z Chóśebuza/Cottbus. Dnja 14. apryla 1994 jo se załožyło Towaristwo za spěchowanje serbskeje rěcy w cerkwi z.t. (STSRC), aby pódpěrowało statkowanja źěłoweje kupki „Serbska namša“. Ku góźbje 30. jubileja towaristwa su cłonki z pódpěru Lodki a Załožby za serbski lud w klubowni Serbskego domu wósebnu wustajeńcu wugótowali. Toś ta wustajeńca jo se wótwóriła stwórtk tyźeń wjacor z klasiskeju muziku Antonio Vivaldia, kótaruž stej Wingrichojc manźelskej Anke a Peter na wiolinje a klawěrje grałej.