... jo nejswětlejša wšych barwow. Wóna jo ako carna a šera barwa, tak se groni, njepyšna barwa. Běła barwa njejo spektralna barwa, ale wóna zjadnośijo we sebje ceły spektrum jadnotliwych barwow a stakim barwowy zaśišć słyńcnego swětła wubuźijo. Derje, až su fyzikarje barwy pśespytowali a nam źinsa wikipedia wědu do domu nosy. Wiźimy běłe kwiśonki bomow a kwětkow, běłe mrokawy, sněžynki, domcyki mušlow a kalkowe skelety wjeleserakich wětšych organizmow, ako nam źinsa skały we wšakich stronach swěta pokazuju.