Nowember stoj pśed źurjami. A nowy mjasec pśinjaso teke nowy serbski kulturny magacin Rozhlad! Nowy Casnik jo měł cesć, južo raz póglědnuś do nowemberskego wudaśa a Wam how pśeraźijo to a druge, na což móžośo se wjaseliś.

Pśedsłowo jo tenraz napisała młoda socialna pedagogowka Nadja Brězanec. Wóna nam pórucyjo hynakše glědanje na „protagonistow transformacije“ – na młodostnych. Tejerownosći z jeje pjera cytamy we tom Rozhlaźe baseń wó zwitkach kreatiwity.