Chto pśiźo sobu w drastwje na cerkwiny źeń?

Awtor: Ines Neumannojc srjoda, 21. december 2016

Dešno/Dissen. 2017 buźo wjeliki jubilej reformacije. A cerkwja wóswěśijo to na wjeleraki part. Wjerašk buźo ewangelski cerkwiny źeń wót 24. až do 28. maja 2017. Wětšy part swěśi se w Barlinju, ale skóńcna namša 28. maja buźo we Wittenbergu.

A Serby budu zasej pśipódla. Nejwažnjejše tšojenje k tomu, aby se teke wobźělił, buźo srjodu, 24. maja, na wjacorje zmakanjow. Dešańska fararka Katharina Köh-lerowa jo koordinatorka wšyknych wobźělnikow z našogo cerkwinego krejza. Wóna ma prědk tam wšake stojnišća, źož luźe z našogo regiona se prezentěruju. Žedne, kenž se wuznaju z našymi nałogami, kenž snaź kśě tam teke byś w serbskej drastwje a kótarež kśě luźam něco wót nas wulicowaś. Dalšny nadawk jo wuźělenje jěze tym gósćam. K tomu móžomy se regionalne abo eksperimentelne wupytaś, co comy wariś. Serbsku góspodliwosć móžomy tam pokazaś.

Doněnta jo se pěś wósadow pśizjawiło za wjacor zmakanjow; dešańska, gołkojska, módłańska, popojska a lutherowa. Gołkojske a módłańske budu zgromadnje z pólskeju wósadu Zieloneje Góry bigos wariś. Dogromadu dej se na tom wjacorje jěza za 300.000 luźi wariś.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś

Nowy Casnik online skazaś