Tuchylu wobstoj Domowina w Dolnej Łužycy ze 41 Domowinskich kupkow a 24 towaristwow. Suma jich cłonkow wunjaso nagromadu 2380. Pšawa licba cłonow Domowiny jo pitśku niša, pśeto někotare luźe su we tej statistice wěcej razow licone: gaž su cłonk wěcej ako jadnogo towaristwa abo kupki .
Dwě nowej towaristwje stej pśistupiłej Domowinje: towaristwo „Studnja“ (glej rozgrono z nimi dołojce) a towaristwo „Dolnoserbski sekstet“ z pśedsedarku Katju Donatojc. Ten źowćowy ansambel ga njejo nowy, jen jo załožyła Maria Elikowska-Winklerowa a wóni su južo dłujko aktiwne (su mjazy drugim wudali CD, spiwaju kužde lěto na gódownej namšy w Serbskej cerkwi w měsće). Doněnta pak njejsu měli status towaristwa.