„Pśed tym jatšownym swěźenjom pak, gaž Jezus wěźešo, až jogo štunda pśišła běšo (...), lejašo wón wódu do myjnice, a zachopi tych huknikow nogi myś a wótrěś z teju šorcu, z kótarejuž wón hopasany běšo“.
Lube bratśi a sotśi!
Ja cesto nazgóniju, až luźe, kótarež maju teke to politiske měnjenje ako ja mam, njepśidu zewšym k mócy a njepśemógu swóju wólu hugbaś. To móju hutšobu tužy.
Dla cog dobywaju populisty tak cesto pśi huzwólowanjach na swěśe? Jo-li to hobspomnjete nazgónjenje teke wina, až teroristy za broń pśimaju? A dla cogo źo se kolaborateram pódtłocowarjow tak derje? Maśo młogi raz teke take myslenja?
Ach, kak raźi by my tym „małowiźecym“ luźam wušy pódrapali a jim pšawje našćokali! Nic ga?