PŠAŠATA RĚPA

Zubnemu gójcoju hyś, to musy byś! Ja a móje strowe zuby.

Awtor: Stefanie Krawcojc srjoda, 14. junij 2017
Zubna gójcowka kontrolěrujo, lěc zuby lawa su strowe. Za to ma małutke glědałko a zubny namakaŕ (Sonde). Acubi Lea jej pomaga. Fota: S. K.

Lube źiśi,

slědny raz som wopisowała, kak dejśo se zuby cysćiś. Wažne jo teke, na kontrolu hyś pla zubnego gójca. Co ale zubne gójce cynje? To som pšašała źiśecu zubnu gójcowku Renatu Abrahamowu w Chóśebuzu.

Co dejm cyniś za strowe zuby?

Dejśo se pórědnje zuby cysćiś, dwójc wob źeń. Rozmjej: gaž zubny wobkładk (Zahnbelag) wóstanjo dlej ako 12 góźinow na zubach, ga wugótujo škódu. Gaž góleśeju se njoco, maju starjejše zas a zas pokazaś. Gaž wóno wiźi, kaž mama se zuby cysći, se tomu lažčej pśiwuce.

Co jo howac wažne?

Strowe zežywjenje jo wažne. Nejlěpša jo jěza, kótaruž móžoš kusaś. Mjazy jězoma deje pawze byś. Njedejśo stawnje kusaś abo se kuždu góźinu něco do guby tyknuś.

Cogodla dejm zubnemu gójcoju?

Gaž zub bóli, jo škóda južo kradu wjelika. Kuždy dej togodla dwójc wob lěto zubnemu gójcuju hyś. Mjazy woglědami mógu starjejše glědaś. Snaź jo něco wiźeś. Carne dypki na zubach su pokazk na karies – gaž se take něco pokažo, dejśo ku mnjo pśiś. Ja glědam dokradnje. Gaž źěrki su, musym je wupórěžaś. Cycaki (Milchzähne) ga źarže městno za wóstajuce zuby, a wóstajuce zuby maśo za cełe žywjenje.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś