Wětošow/Vetschau. Tuderska Do­­mo­­winska kupka ma wótglědanje se rozwězaś. To jo nam powěźeł jeje doněntejšny pśedsedaŕ Milan Nowak, kótaryž rad kśěł swójo cesne zastojnstwo někomu drugemu pśepowdaś. Južo na zgromaźinje w měrcu pak jo se wopokazało, až nicht njejo se namakał. Tam su teke diskutěrowali, kak dej z kupku dalej hyś. „My smy se zjadnali, až comy z kóńcom lětoskego lěta našo źěło dokóńcowaś“, jo nam groniła móšynarka kupki Waltraud Ramotowa. Kupka ma 11 cłonkow, wětšy źěł staršych. Te młodše su wó 50 lět stare, wóni maju pówołanje (how: Beruf) a angažěruju se južo we drugich towaristwach. Kupce felujo dorost.