Nowe medije

Deutsche Fotothek: Fotografije a kórty serbskeje Łužyce

Awtor: Gregor Wieczorek srjoda, 28. junij 2017
Portal Deutsche Fotothek wopśimjejo njepśelicone fotografije ze serbskeju tematiku, wětšy źěl ze Serbskego kulturnego archiwa.
Fotografija k eksemplu: Žnjowne krale a kralowki na łapanju kokota w Depsku w lěśe 1953, na pšawem boce Šułśic Richard a Anna (Matusch).

Źinsa comy wam pśedstajiś portal Sakskeje krajneje biblioteki w Drježdźanach Deutsche Fotothek (deutschefotothek.de). To jo wjelicki fotografiski archiw, ak wopśimjejo dogromady 4,8 milionow historiskich fotografijow. Wóni su wšykne w interneśe pśistupne a wužywaŕ móžo za swójim póžedanim je pśeglědowaś a pśepytowaś.

K partnarskim institucijam teje biblioteki słuša Serbski institut. Wjeliki źěł jich fotografiskich zběrkow jo wót krotkego casa tejerownosći pśez nimsku fototeku pśistupny.

Za Dolnu Łužycu su slědujuce zběrki wósebnje gódne: zběrka slěźarja Arnošta Černika „Lausitzer Volks- und Landeskunde“. Wón jo we 50tych lětach wobjězdźił cełu Łužycu a licył, wjele luźi powěda serbski. Pśi tej góźbje jo wótmólował z fotokameru wjeliku licbu motiwow ze serbskich jsow wokoło Chóśebuza.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś