Tšupc/Straupitz. Pśedslědnu sobotu a njeźelu su serbske ewangelske kśesćijany z cełeje Łužyce se zmakali tudy na Serbski cerkwiny źeń, ten južo 71 we cełem. Moto togo swěźenja, ak jo stojał pód znamjenim 500lětnego jubileja reformaciona, jo zněło: „We zachopjeńku běšo to słowo“. Z tym su se dopomnjeli, kaku wažnosć a wucynk jo reformacija měła na wuwiśe serbskeje pisneje rěcy. Sobotu jo se wótźaržała nabóžnina pśi pomniku Albinusa Mollerusa (1541–1618), ako jo w Tšupcu fararił a źěłał ako astronom a uniwersalny wucony. Wón jo w lěśe 1574 wudał prědne śišćane knigły w serbskej rěcy – spiwarske a mały Lutherusowy katechizmus.