Chóśebuz/Cottbus. Wótkubłarka z nowoniwjańskeje źiśownje Silvia Tilgnerowa jo se na wobradowanju akciskeje seśi (glej powěsć na prědnem boce) pšašała, lěc dajo teke minimalnu licbu źiśi za Witaj-kupki w źiśownjach? Maju-li starjejše pšawo na to, až źiśi w źiśowni serbsku rěc wuknu? Měto Nowak jo wótegronił, až ministarstwo za kubłanje měni, až take pšawo eksistěrujo. Ale doněnta njejo nicht za tym glědał, kak wóno we praksy se jo pśesajźiło. Co pak se stanjo, gaž žeden nosaŕ we swójej źiśowni serbsku rěc njepórucujo? Na kuždy part jo póžedanje starjejšych za serbskeju rěcu w źiśowni ta prědna kšoceń, aby se něco stało. ­– jo Nowak pódšmarnuł.