Tura pó kólasach se zachopijo pśi picańskej radnicy. Pó historiskej droze do Chóśebuza, pó Dammzollowej droze, se dostanjoš k picańskej huśe. Wót how wjeźo tura pśez gaty k Husańskemu młynoju. Napšawo běžy Góramśica, kumštna tšuga Sprjewje. Góramśica jo se napórała srjejź 16. stolěśa, aby wokolne gaty z wódu zastarała. Tejerownosći jo zelezowa huta móc jeje wódy wužywała. Pśi Husańskem młynje wjerśi se někotare lěta zasej wódne kólaso.

Pśi Husańskem młynje njepśejěźomy Góramśicu, ale nadalej wóstanjomy na pódzajtšnem boku a kólasujomy na pódpołdnjo. Ned slězy gatow pśejěźo se Góramśica a zeleznicowa trasa Chóśebuz-Picnjo/Pódzajtšo. (Glědajśo: zeleznicowy pśechod njejo zawěsćony!). Njepósrědnje slězy zeleznicoweje trase se pśejěźo droga Rogozno-Nowa Wjas.