Aby pcołki se zasej zmógnuli, jo jim dawał mjodowu wódu

Awtor: Gregor Wieczorek srjoda, 19. julij 2017
Šułtkojc mjod z Drjejc – z wósebnym jubilejnym etiketom, źož jo drjejcańska cerkwja wótmólowana. Jeje 190lětny jubilej su swěśili njeźelu tyźeń (glej artikel na 5. boce). Foto: G. W.

Pcołkaŕ Reinhard Šułtka z Drjejc jo Casnikoju wulicował, kak jo se lětosa jogo pcołkam zejšło. Dla dłujkego zymnego wjedra w nalěśu su jogo pcołkowe ludy abo roje zymje pśežywili, ale wjele pcołkow jo wuslěkło. Wón jo jano z procu wugbał, až te pcołki su se zasej rozpłoźili a ludy su se zasej zmógnuli a pśibrali k normalnej, strowej wjelikosći. Kak se to cyni? Pcołkaŕ jo jim dawał mjodowu wódu, wóni su ju cycali a nosyli tej matce we kórbje. To jo małka wobšuda: tym pcołkam se zda, až wence jo wjele caroby, a ta matka njaso wjeliku licbu jajow, z kótarychž se wulagnu nowe pcołki. Za krotki cas jo ta licba wuslěconych pcołkow zasej wurownana.

Reinhard Šułtka źaržy sebje nagromadu wó 50 ludow, jogo pcołkarnje stoje mjazy drugim na Dańskich Łukach a pla Zaspow. Wóni su dotychměst wó 300 do 400 kg mjodu nanosyli. Pśi góźbje jubileja drjejcańskeje cerkwje jo wón dał sebje nagótowaś jubilejne etikety, źož jo ta cerkwja namólowana. Woglědarje swěźenja njeźelu tyźeń su jogo mjod kupowali. Wón pśedawa robiniowy, lipowy a nalětny mjod (wót kwiśecych struskow).

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś