W Serbskem kulturnem archiwje w Budyšynje smy namakali někotare fotografije wó wjelikem zmakanju sportarjow z cełego swěta z mjenim „Všesokolský slet“ (zmakanje) zachopjeńk julija 1948 w Praze, głownem měsće Českosłowakskeje. Na zmakanju su teke Serby z cełeje Łužyce byli a su tam w stadionje pśed něźi 250.000 pśiglědowarjami serbske ludowe reje pokazali. Mimo togo su se wobźělili na póchodowanju (maršěrowanju)pó Praze – we swěźeńskem pśeśěgu pó drogach. Mjazy 227 rejowarjami su byli młode Serby z našych dolnoserbskich wjaskow: z Wjerbna, Brjazyny, Depska, Zušowa a Smogorjowa. Cełkownje jo w Praze z Dolneje Łužyce 27 gólcow a źowćow było. Wózjawijomy how mjenja wšyknych wobźělnikow a pšosymy je k fotografijam pśirědowaś a to redakciji Casnika a cytarjam k wěsći daś: