„Ja něnto du napśecej do dowolu“ – to jo gronił rowno pśed 10 lětami Werner Młynk z Janšojc, tegdejšny wjednik Dolnoserbskego gymnaziuma. Tegdy, w juliju lěta 2007, njejo ga wón jano dośěgnuł swójo 60. žywjeńske lěto, ale jo zrownju zakóńcył swój dłujki ceptarski cas. Dogromady 40 lět jo był z teju našeju serbskeju šulu w měsće wusko zwězany, nejpjerwjej wót lěta 1962 do 1966 ako wuknik, pón pó wuspěšnem studiumje chemije a matematiki nejpjerwjej ako ceptaŕ, z lěta 1979 ako zastupny direktor Serbskeje rozšyrjoneje wušeje šule „Marjana Domaškojc“ a na kóńcu, 2006 do 2007, ako wjednik.